Прэзыдэнт Румыніі адмяніў свой візыт у Кіеў

Прычынай стала прынятая ўкраінскім парлямэнтам рэформа адукацыі, якая абмяжоўвае выкладаньне моў меншасьцяў. Гэтая сытуацыя адносіцца таксама да румынскай меншасьці ва Ўкраіне.

Клаўс Ёханіс плянаваў наведаць Украіну ў кастрычніку.

Прэзыдэнт Румыніі аб адмене візыту паведаміў Пятру Парашэнку падчас сустрэчы з нагоды сэсіі ААН у Нью-Ёрку. Ёханіс заблякаваў таксама візыт кіраўніка ўкраінскага парлямэнта ў Бухарэст.

Згодна з новым законам аб адукацыі школы нацыянальных меншасьцяў, у якіх выкладаньне большасьці прадметаў вядзецца на мовах меншасьцяў, павінны паступова перайсьці на ўкраінскую мову.

яс