Жыхары Мазавецкага ваяводзтва патрабуюць зачыніць цэнтар для бежанцаў

Жыхары населеных пунктаў Цонеў і Лінін ў Мазавецкім ваяводзтве патрабуюць зачыніць мясцовы цэнтар для бежанцаў. Паводле іх словаў, чачэнцы, якія ў ім пражываюць, тэрарызуюць мясцовае насельніцтва, паведамляюць калегі з Расейскай службы Польскага радыё.

У красавіку тут адбыўся інцыдэнт – двое чачэнцаў з цэнтра для бежанцаў напалі на ахоўніка мясцовай школы, які раней спрабаваў разьняць у бойцы маладых паляка й чачэнца.

Гараджане маюць намер накіраваць пэтыцыю з патрабаваньнем ліквідаваць цэнтар для ўцекачоў на адрас міністра ўнутраных спраў Польшчы.

Цэнтар для бежанцаў у Лініне дзейнічае з 2004 года. У ім пражываюць каля 160 чалавек, у асноўным гэта выхадцы з Чачэнскай Рэспублікі, якія хадайнічаюць аб прысваеньні ім статусу ўцекача ў Польшчы.

вс