У польскай Ніжняй Сілезіі выбух зьнішчыў будынак (ФОТА)

У выніку абвалу трохпавярховай жылой камяніцы ў гарадку Сьвебадзіцэ (Świebodzice) у Ніжняй Сілезіі (адміністрацыйны цэнтар горад Уроцлаў) загінулі тры чалавекі, у тым ліку двое дзяцей. Параненыя чатыры жыхары будынку. Адзін з параненых, хлопчык ва ўзросьце некалькіх гадоў, дастаўлены ў клініку ў цяжкім стане. Паводле ратаўнікоў, пад руінамі будынку могуць знаходзіцца чатыры чалавекі.

Сёньня раніцай у гарадку ў адным з будынкаў адбыўся выбух, які амаль цалкам зьнішчыў жылы аб’ект. Паводле пажарнай службы, праўдападобнай прычынай трагедыі зьяўляецца выбух газу. На месца выбуху хутка прыбылі ратаўнікі, паліцыя й мэдыкі. Параненыя былі эвакуяваныя ва ўроцлаўскія клінікі на верталётах мэдыцынскай авіяцыі.

вс

Верталёт мэдыцынскай авіяцыі над месцам трагедыі