Швэйцарскі Давос прымае ўдзельнікаў славутага эканамічнага форуму

У швэйцарскім курорце Давос адкрыўся традыцыйны Сусьветны эканамічны форум. Мерапрыемства праходзіць 47-ы па ліку раз. У гэтым годзе эканамічная сустрэча, якая працягнецца да 20-га студзеня, адбываецца пад лёзунгам «Адказнае лідарства».

Упершыню ў гісторыі форума ў ім удзел прыме старшыня Рады КНР Сі Цзіньпін. Пры гэтым у Давос не прыедуць прадстаўнікі новай адміністрацыі ЗША, канцлер Нямеччыны Ангела Мэркель і прэзыдэнт Францыі Франсуа Алянд.
Давос прыме рэкордную колькасьць удзельнікаў, сярод якіх прэзыдэнты, прэмʼер-міністры, кіраўнікі міжнародных карпарацый, а таксама каралі Бэльгіі, Нідэрляндаў, Нарвэгіі й Ярданіі.

Экспэрты Сусьветнага эканамічнага форуму зазначаюць, што самую вялікую пагрозу для сусьветнай эканомікі нясе палярызацыя грамадзтва: розьніца ў даходах самых багатых і самых бедных грамадзян, якая пастаянна павялічваецца. Іншай асноўнай тэмай форуму сёлета стане зьмены клімату.
За бясьпеку давоскага форуму адказваюць 5 тыс. салдат, а швэйцарскія й аўстрыйскія ваенныя самалёты будуць кругласутачна патруляваць паветраную прастору над Давосам і рэгіёнам.

вс