Бэата Шыдла: У будучым годзе ўрад засяродзіцца на эканоміцы

Прэм’ер Бэата Шыдла лічыць, што цяперашняя палітычная спрэчка павінна мець канструктыўны характар і прычыніцца да ўвядзеньня новых рашэньняў. Кіраўнічка польскага ўраду падкрэсьліла, што эканамічная сытуацыя Польшчы стабільная.

На сумеснай прэс-канфэрэнцыі са сьпікерамі Сэйму й Сэнату, а таксама старшынём кіроўнай партыі „Права й справядлівасьць” Яраславам Качыньскім, Бэата Шыдла падкрэсьліла, што Польшча й палякі чакаюць дыялёгу, асабліва цяпер, перад Калядамі.

Яна адзначыла, што цяперашняя палітычная спрэчка павінна закончыцца прапановамі праектаў, у тым ліку праектаў адпаведных законаў.

Бэата Шыдла дадала, што ў наступным годзе ўрад засяродзіцца на эканамічных пытаньнях, у першую чаргу на рэалізацыі пляну віцэ-прэм’ера, міністра разьвіцьця й фінансаў Матэвуша Маравецкага (Mateusz Morawiecki).

аз