У Беларусі запрацавала буйная сонечная электрастанцыя

Гэтага хопіць на начное асьвятленьне Менску.

Праект рэалізавала датэрмінова кампанія Velcom непадалёк мястэчка Брагін. Памер інвэстыцый, укладзеных у праект, склаў 24 мільёны эўра. Кожная гадзіна працы станцыі дазволіць Беларусі адмовіцца ад 7 тысяч кубамэтраў прыроднага газу, сьцьвярджаюць у кампаніі.

Сонечную электрастанцыю ў Брагіне пабудавалі датэрмінова. Праект рэалізаваны на чатыры месяцы раней, чым было прадугледжана інвэстыцыйнай дамовай. Сьпяшаліся, каб электрастанцыя «засьпела» як мага больш сонечных летніх дзён.

Сонечны парк стаў найбуйнейшым у краіне, прычым як па памерах, так і па магутнасьці. Электрастанцыя займае плошчу звыш 41 гектара, а яе намінальная магутнасьць дасягае рэкордных для беларускіх геліяўстановак 18,48 МВт.

Паводле tut.by/юл