Кітайцы хочуць купіць польскі інтэрнэт-аўкцыён

Найбуйнейшая кітайская кампанія па продажу он-лайн „Alibaba” зацікаўленая ў набыцьці найбуйнейшага польскага інтэрнэт-аўкцыёну „Allegro”.

„Alibaba Group” зьяўляецца лідарам на кітайскім рынку продажу он-лайн. Кампанію ў 1999 годзе заснаваў Джэк Ма, які дзякуючы гэтаму праекту стаў адным з самых багатых кітайцаў.

У цяперашні час „Alibaba” адказвае за 80% продажу ў кітайскім інтэрнэце, а кошт кампаніі ацэньваецца прыкладна ў 200 мільярдаў даляраў ЗША.

Пра жаданьне набыць „Allegro” пішуць кітайскія СМІ са спасылкай на паведамленьне агенцтва „Reuters”. На дадзены момант прадстаўнікі абедзьвюх кампаніяў афіцыйна не выказваліся па гэтай справе, хоць падобныя чуткі ў прэсе зьяўляліся таксама раней.

аз