Сацапытаньне: галоўныя ворагі Расеі – гэта ЗША, Украіна й Турцыя

Галоўныя ворагі Расеі – гэта ЗША, Украіны й Турцыя. Гэта вынікі апошняга апытаньня, праведзенага сацыялягічнай лябараторыяй «Левада-центр» сярод грамадзян Расеі, якое было прысьвечанае адносінам расейцаў да іншых краін.

Найбольш варожа да Расеі настаўленыя ЗША, лічаць 72% расейцаў. Другое месца з самым высокім паказчыкам за ўсю гісторыю назіраньняў займае Ўкраіна – 48%. Для параўнаньня: у 2015 годзе гэтая лічба складала 37%.
Трэцяй недружалюбнай краінай зьяўляецца Турцыя: калі ў 2015 годзе так думаў 1% апытаных, то сёлета – 29%.

Галоўнымі сябрамі расейцы лічаць Беларусь (50%), Казахстан (39%) і Кітай (34%). У гэтым годзе 10% апытаных лічаць дружалюбнай краінай Сырыю: у 2015 годзе так лічылі толькі 2%. Большасьць расейцаў па-ранейшаму дрэнна ставяцца да ЗША (70%) і Эўразьвязу (62%).

вс