Нуланд і Суркоў абмеркавалі выкананьне Менскіх дамоўленасьцяў

Памочнік дзяржсакратара ЗША Вікторыя Нуланд і памочнік прэзыдэнта Расеі Ўладзіслаў Суркоў абмеркавалі ў Калінінградзкай вобласьці РФ сытуацыю на ўсходзе Ўкраіны й хаду выкананьня Менскіх пагадненьняў па мірным урэгуляваньні на Данбасе.

Як заявіў раней прадстаўнік Дзярждэпартамэнту ЗША Джон Кірбі, сустрэча была арганізавана „у разьвіцьцё” перамоваў, якія правялі 15 сьнежня ў Маскве прэзыдэнт Расеі Ўладзімір Пуцін і кіраўнік МЗС Сяргей Лаўроў зь дзяржсакратаром ЗША Джонам Кэры.

Кансультацыі праходзілі ў закрытым рэжыме ў рэзыдэнцыі прэзыдэнта РФ у горадзе Піянэрскі пад Калінінградам, на беразе Балтыйскага мора.

Нагадаем, 11 студзеня ў Кіеве зь візытам пабываў нядаўна прызначаны прадстаўнік Расеі ў трохбаковай кантактнай групе па Ўкраіне Барыс Грызлоў.

svaboda.org/аз