Арцыбіскуп наведаў у шпіталі зьбітага сырыйца (ФОТА)

Арцыбіскуп Станіслаў Гандэцкі наведаў у шпіталі ў Познані зьбітага ў аўторак сырыйца. Мітрапаліт публічна папрасіў прабачэньня за тое, што адбылося.

Падчас візыту ў бальніцы польскага ерархa суправаджаў Грыгорый ІІІ Лахам - патрыярх Мелькіцкай каталіцкай царквы, які сёньня наведваньне Познань.

Абодва сьвятары маліліся ля ложка пацярпелага сырыйца. Арцыбіскуп Гандэцкі перадаў пацыенту падарункі, у тым ліку ласункі.

У сырыйца зламаны нос і цяжкасьці з маўленьнем. У размове зь ерархамі ён падкрэсьліў, што любіць Польшчу й не асуджае краіну па тым, што яму зрабілі зламысьнікі.

Учора сырыйскага пацыента наведаў таксама мэр гораду Познань Яцэк Яськовяк.

Чалавек, які жорстка зьбіў сырыйца, быў вызвалены паводле рашэньня суда. Пракуратура намерваецца абскардзіць гэтую пастанову.

У сваю чаргу паліцыя паведаміла, што ў пастарунак дабравольна прыйшоў другі чалавек – удзельнік бойкі. Паліцыянты шукаюць яшчэ трэцяга хулігана.

ФОТА:PAP/Jakub Kaczmarczyk

аз