Расея забараняе Ўкраіне выкарыстоўваць сваю паветраную прастору

Расея з 25 кастрычніка ўводзіць забарону на выкарыстаньне паветранай прасторы РФ авіякампаніямі Ўкраіны. Паведаміла Міністэрства транспарту Расеі.

„Дадзеная мера стане адказам на паведамленьне Дзяржавіяслужбы Ўкраіны, якая 28 верасьня ў аднабаковым парадку, у парушэньне існуючых нормаў і палажэньняў аб паветраных зносінах, апавясьціла шэраг расейскіх авіяперавозчыкаў аб тым, што з пачатку зімовай навігацыі, а менавіта з 25 кастрычніка, уводзіць забарону на выкананьне палётаў паміж Расеяй і Ўкраінай”, - гаворыцца ў паведамленьні расейскага ведамства.

Нагадаем, 25 верасьня ўрад Украіны прыняў рашэньне аб забароне палётаў ва Ўкраіну расейскіх авіякампаній, у тым ліку „Аэрафлота” й „Трансаэро”.

Расейскім авіякампаніям, якія падпалі пад украінскія санкцыі, забароняць лётаць ва Ўкраіну з пачатку зімовай навігацыі - з 25 кастрычніка.

interfax.by/аз