Танны вугаль – праблемa шахтаў у Польшчы

Запаволеньне сусьветнай эканомікі – гэта адна з прычын крызысу польскай горназдабыўной прамысловасьці, пераконвае віцэ-прэм’ер і міністар эканомікі Польшчы.

Паводле Януша Пехаціньскага, паслабленьне попыту на сыравіну ўскладняе ажыцьцяўленьне зьменаў у гэтым важным сэктары польскай эканомікі.
Нізкія цэны на вугаль шкодзяць польскім шахтам, якія выкарыстоўваюць глыбокія вугальныя пласты. У выніку цяжка праводзіць рэструктурызацыю шахтаў.

Цэны на вугаль у партах Амстэрдама, Ратэрдама й Антвэрпэна складаюць каля $ 50. 5 гадоў таму за тону сыравіны трэба было заплаціць больш за 120 даляраў, а ў 2008 годзе цана адной тоны вугалю перавышала $ 200.

На пачатку верасьня міністар фінансаў Анджэй Чарвіньскі гаварыў, што кошт здабычы адной тоны вугалю складае каля 240 злотых. Гэта азначае, што польскі вугаль каштуе больш за 66 даляраў за тону.

аз