У Польшчы пацьверджана арыгінальнасьць карціны Эль Грэка

foto: wikipedia

Карціна «Страсьці сьвятога Францішка» - гэта арыгінальны твор Эль Грэка. Гэта вынік чарговых дасьледаваньняў, праведзеных польскімі спэцыялістамі з Кракаўскай лябараторыі дасьледаваньняў гістарычных аб'ектаў. Арыгінальнасьць карціны пацьверджана на падставе пробаў фарбы, аналізу подпісу Эль Грэка, а таксама тэхнікі пісаньня карцін, якая характэрная вядомаму гішпанскаму мастаку. Праз пару месяцаў «Страсьці сьвятога Францішка» будуць паказаныя ў варшаўскім Каралеўскім замку ды ў кракаўскім Нацыянальным музэі.
Гісторыя карціны надзвычай цікавая й захапляльная. «Страсьці сьвятога Францішка» былі адкрытыя выпадкова супрацоўніцамі Польскай акадэміі навук у адной зь вясковых плябаній у 1964 годзе. Карціна на пастаяннай аснове знаходзіцца ў музэі мясцовай дыяцэзіі ў горадзе Седльцэ.
Дасьледаваньні карціны праводзілася некалькі разоў, а цяперашняе мела даць 100-працэнтную гарантыю аўтэнтычнасьці твору.
Мяркуецца, што Эль Грэка напісаў карціну ў 1575-1580 гадах.
«Страсьці сьвятога Францішка» - гэта адзіны твор Эль Грэка ў Польшчы. Паводле спэцыялістаў, карціна гішпанскага мастака ўваходзіць у пяцёрку найбольш каштоўных твораў выяўленчага мастацтва ў Польшчы.

вс