Турцыя адклікала свайго амбасадара ў Вене

У заяве МЗС Турцыі адзначаецца, што дыпляматычны прадстаўнік Анкары Хасан Гёгюш адкліканы для кансультацый.

22 красавіку 2015 парлямэнт Аўстрыі прызнаў і асудзіў факт генацыду армян у 1915 годзе. Дэпутаты зьвярнуліся да Турцыі з заклікам «ўнесьці яснасьць і праліць сьвятло на цёмны мінулае», у прыватнасьці, прызнаць злачынства Асманскай імпэрыі супраць армян.

«Заява аўстрыйскага парлямэнта сустрэта ў Турцыі з абурэньнем, так як яно супярэчыць гістарычным фактам і беспадстаўна абвінавачвае турэцкі народ у злачынствах», - гаворыцца ў заяве турэцкага МЗС.

Нядаўна Анкара выказвала незадаволенасьць выступленьнем Папы Рымскага, які таксама казаў пра генацыд армян у Асманскай імпэрыі. Заяву Эўрапарлямэнта па той жа нагодзе афіцыйная Анкара дэманстратыўна ігнаравала.

У пачатку XX стагодзьдзя Асманская імпэрыя на кантраляваных тэрыторыях пачала дэпартацыю армян. Акрамя гэтага, у той жа час пачаліся ганеньні на армян, якія ўключалі ў сябе і фізічнае зьнішчэньне. Гэтыя падзеі дасягнулі піка ў 1915 годзе. Агульная колькасьць загінуўшых ацэньваецца ў паўтара мільёна чалавек.

Турцыя адмаўляе факт генацыду. Згодна з афіцыйнай пазыцыяй уладаў, пры перамяшчэньні або выгнаньні армян мэты забіць людзей не было.

24 Красавік абвешчана эўрапейскім днём памяці ахвяраў генацыду армян у Асманскай імпэрыі. У гэтым годзе дата адзначаецца ўпершыню - яна ўсталяваная рашэньнем Эўрапарлямэнта 15 красавіка.

яс