Беларускі трактар не "каціруецца"

Беларускія ўлады схамянуліся, што губляюць замежныя рынкі.Найбольш вострая сытуацыя ў Кітаі.

МТЗ загадана аднавіць рэпутацыю ў Кітаі. Гэта вынікае з пастановы ўрада № 1235 "Аб некаторых пытаньнях нарошчваньня і дывэрсыфікацыі экспарту тавараў і паслуг".

Менскі трактарны завод мае праблемы ня толькі на кітайскім рынку. З урадавых дакумэнтаў вынікае, што кампанія сутыкаецца са складанасьцямі на расейскім ды амэрыканскім рынках. Чыноўнікі загадалі там інтэнсыфікаваць працу па нарошчваньні паставак.

У Кітаі МТЗ загадана "аднавіць рэпутацыю і выйсьці на падпісаньне кантракту на пастаўкі трактаракамплектаў ў 2015 годзе. Апроч таго, кіраўніцтву Мінпрама і МТЗ дадзена заданьне вырашыць пытаньне якасьці пастаўляемых трактаракамплектаў у Кітай, а таксама вырашыць "праблемы разьлікаў за пастаўленую фэрмэрам прадукцыю".

Яшчэ ўрад Беларусі жадае паскорыць працэс стварэньня зборачных вытворчасьцяў трактароў у розных рэгіёнах Кітая.

Паводле tut.by