Не атрымаўся запуск расейскай ракеты

У чарговы раз не атрымалася спроба запуску расейскай ракеты, якая павінна была вывесьці на арбіту спадарожнік сувязі „Экспрэс-АМ4Р”.

Ракета - носьбіт „Пратон-М”, якая стартавала з Байканура ў Казахстане, пачала падаць на зямлю пасьля 9 хвілінаў палёту.

Спачатку з касмічным апаратам зьнікла сувязь, а затым спрацавала функцыя аварыйнага прыпыненьня рухавікоў. Мяркуецца, што часткі ракеты й спадарожніка ўпалі ў раёне Алтая, альбо Амурскай вобласьці. Інфармацыі пра пацярпелых няма.

Спадарожнік „Экспрэс - АМ4Р” павінен быў замяніць, запушчаны ў космас у 2011 годзе спадарознік „Экспрэс- АМ4”, які з-за непаладак не задзейнічаў.

Абодва яны былі найбольш магутнымі й сучаснымі спадарожнікамі, якія збудавалі расейцы.

Аварыю „Экспрэс-АМ4Р” будзе расьсьледаваць спэцыяльная камісія.

аз