Інфарматар „WikiLeaks” хоча стаць жанчынай
PR dla Zagranicy
Anna Zadrożna
22.08.2013 17:39
Брэдлі Мэнінг просіць зьвяртацца да яго Чэлсі.
Інфарматар выкрывальніцкай старонкі „Wikileaks”, шэраговы жаўнер Брэдлі Мэнінг, хоча памяняць пол.
У лісьце, які быў зачытаны ў эфіры амэрыканскай тэлекампаніі NBC, ён просіць з гэтага часу зьвяртацца да яго Чэлсі.
Учора Брэдлі Мэнінг быў прысуджаны да 35 гадоў турмы па абвінавачваньні ў шпіянажы й крадзяжы дзяржаўных дакумэнтаў, якія пазьней перадаў старонцы „WikiLeaks”. Нагадаем, гэта былі сакрэтныя дакумэнты амэрыканскай арміі й дыпляматыі.
25-гадовы Мэнінг меў неабмежаваны доступ да сакрэтных дадзеных дзякуючы Сетцы перадачы сакрэтных дыпляматычных пратаколаў. Да 2010 года ён перадаў выкрывальніцкай старонцы амаль 750 тысячаў старонак сакрэтных матэрыялаў.
аз