Мэтай гэтага паўстаньня было адбудаваньне моцнай дзяржавы і ліквідацыя ўмяшальніцтва ў справы дзяржавы замежных імпэрый.
Паўстаньне, само па сабе, было толькі крокам адчаю польскіх, беларускіх і літоўскіх патрыётаў, якія імкнуліся ўратаваць айчыну. Па-сутнасьці, ліквідацыя Рэчы Паспалітай абодвух народаў была справай часу, і адбылася б нават, калі б гэтага паўстаньня не было.
Аслабленая, і страціўшы значныя абшары сваёй тэрыторыі, пасьля двух папярэдніх падзелаў, Рэч Паспалітая налічвала толькі 4 мільёны жыхароў і кіравалася расейскім амбасадарам праз Пастаянную Раду. Гэтую раду палякі называлі «Пастаянная здрада», бо большасьць яе сябраў былі расейскімі агентамі і атрымоўвалі заробак у расейскай амбасадзе.Па- сутнасьці, рэшткі Рэчы Паспалітай былі пратэктаратам Расеі.
Але асабліва моцна новага падзелу жадала Аўстрыя, якая не ўдзельнічала ў другім падзеле.
Так ці інакш, Прусія, Аўстрыя і Расея чакалі толькі прэтэксту для падзелу, чым і сталася паўстаньне Касьцюшкі.
Падзел Рэчы Паспалітай адбыўся год пасьля паўстаньня, гэта тлумачылася тым, што Аўстрыя і Прусія спрачаліся наконт межаў і абшараў, якія павінны былі адыйсьці да гэтых дзяржаваў.
Толькі 24 кастрычніка 1795 канчаткова былі вырашаны і акрэсьлены межы падзелаў.
У выніку падзелу Расея атрымала найбольшыя тэрыторыі 120 тыс. кл. кв. Агульна, Расея пасьля ўсіх трох падзелаў атрымала каля 60% ад усёй тэрыторыі Рэчы Паспалітай. Аўстрыя атрымала Люблішчыну, астатнюю частку Малапольшчы, разам з Кракавам, часткай Мазоўша і Падляшша з колькасьцю 1,5 мільёна жыхароў. Да Прусіі адышлі іншая частка Падляшша і Мазоўша з Варшавай, і Жмудзь, агулам 1 мільён жыхароў.
Апошні кароль Рэчы Паспалітай Аўгуст Панятоўскі ў лістападзе 1795 году адрокся ад каралеўскага прастолу і апошнія гады правёў у Пецярбургу.
Напэўна, каб паказаць свой трыюмф і веліч, і яшчэ больш прынізіць Рэч Паспалітую, Кацярына ІІ загадала, каб з Варшавы быў прывезены трон польскіх каралёў. Яна выкарыстоўвала яго ў якасьці ўнітаза ў сваёй прыбіральні.
Як распавядае гісторыя, у 1796, 6 лістапада вялікая імпэратрыца памерла на гэтым унітазе ва ўзросьце 67 гадоў.
У выніку трэцяга падзелу Рэч Паспалітая перастала існаваць, Польшча страціла сваю незалежнасьць больш чым на 100 год, Беларусь і Ўкраіна на яшчэ большы пэрыяд.
Павал Усаў